«Казанская история»

О КАЗАНСКОМЪ ЦАРСТВЕ. ГЛАВА 1
Бысть бо убо из начала Руския земли, якоже поведаютъ русь и варвари, все то едина Руская земля, идеже стоитъ ныне град Казань, продолжающися в длину до оного Нова града Нижнего на востокъ, по обема странама великия реки Волги, вниз до Болгарскихъ рубежов, до Камы реки, в ширину же простирающеся на полунощие до Вяцкие земли и до Пермьския, а на полудень – до половецкихъ предел. Все же бе держава и область Киевская и Владимирская. Живяху же за Камою в части земли своея болгарския князи и варвари, владующе поганымъ языкомъ черемискимъ, не знающим Бога, никоего же закона не имущим. Обои же бяху служаще и дани дающе рускому царству до Батыя царя.
Библиотека литературы Древней Руси. Т. 10. СПб., 2004. С. 252, 254