aquilaaquilonis (aquilaaquilonis) wrote,
aquilaaquilonis
aquilaaquilonis

Categories:

Ай да псковичи!

Въ лето 6934 (1426)… Того же лета князь великии Литовскии Витовтъ ходилъ на Псковъ съ многими силами, съ нимъ была земля Литовская и Лятцкая, Чехы и Волохы понаимованы и Татарове его, а у царя Махметя испроси дворъ его, и преже прииде подъ градокъ Псковскои, подъ Опочки. Людие же въ граде затворишеся потаившеся, яко мнети пришедшимъ пуста его; и тако начяша Татари скакати на мостъ на конехъ, а гражане учиниша мостъ на ужищахъ, а подъ нимъ колье изостривъ побиша, и якоже бысть полнъ мостъ противныхъ, и гражане порезаша ужища, и мостъ падеся съ ними на колие оно, и тако изомроша вси; а иныхъ многыхъ Татаръ и Ляховъ и Литвы живыхъ поимавши въ градъ мчаша и режущи у Татаръ срамныя уды ихъ, имъ же въ ротъ влагаху, якоже бе и самому Витовту видети то, и всемъ прочимъ съ нимъ, а Ляхомъ и Чехомъ и Волохомъ кожи одираху. Витовтъ же видевъ то и срама исполнися поиде прочь, не учинивъ градку тому ничтоже, и прииде подъ другои градъ Вороначь, и ста подъ нимъ. И бысть тогда туча страшна и грозна велми, громъ страшенъ и млъниамъ блистаниа, яко и живота сущимъ съ Витовтомъ отчаатися, а онъ самъ за столпъ шатерныи ухватився, начатъ вопити: «Господи помилуи», стоныи, трясыися, мня ся уже землею пожренъ быти и въ адъ внити. По прехождении же тучя оноя страшныа прииде къ нему подъ тотъ же городокъ посолъ отъ великаго князя: «что ради тако ты чинишь чрес докончание? где было ти съ мною быти за одинъ, и ты мою отчину воюешь и пусту творишь». А Псковичи пришедше тутоже биша челомъ Витовту треми тысячами рублевъ, и поиде прочь, а Псковичи того сребра не даша ему.

Симеоновская летопись. ПСРЛ. Т. 18, с. 168-169.
Tags: История России
Subscribe
  • Post a new comment

    Error

    default userpic

    Your reply will be screened

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 2 comments